Sa pihak it pagbuhos it mabaskog nga uean sa banwa it Kalibo uwa nagpaawat ro kapin sa 93 grupo ag tribu nga nagpasakop sa Opening Salvo ukon “Ro Pag-umpisa” it Santo Niño Ati-atihan Festival 2020 kadungan it foundation day it nasambitang banwa.

Gin-umpisahan raya it misa sa St. John the Baptist Cathedral, kon siin, sa unang kahigayunan hay ginbendisyunan ro mga uling nga ginpahid sa mga deboto kamana man ro mga instrumento nga gingamit it nagkaeain-eain nga grupo.

-- Advertising --

May kaangtanan kara, gintambungan it ginatantyang masobra sang libo katawo kaeakip ro mga empleyado it lokal nga gobyerno it Kalibo ro “sadsad” ukon street dancing sa mga nagapangunang karsadahon sa banwa it Kalibo.

Ro “Pag-umpisa” hay sneak peak it Ati-Atihan Festival 2020 ukon ro mga gina-eaumang masaksihan sa selebrasyon it ginakabig nga “Mother of all Philippine Festival”.

Samtang sa pihak nga parte, hugot man nga seguridad ro ginpatuman it Kalibo Police Station sa festival area agud masigurado ro kaeowasan it tanan.

May kaangtanan kara, ginkumpiska nanda ro mga mataeawis nga bagay, aeak ag sigarilyo nga daea it mga pamatan-on sa nasambitang event.