KALIBO, Aklan—Gintaw-an it punto it pamunuan it Muncipal Planning Development Office (MPDO) ro impostansya it pag-angkon it drainage system master plan sa banwa it Kalibo.

Suno kay Municipal Planning Coordinator Engr. Marlo Villanueva, naghire eon it consultant ro lokal nga gobyerno it Kalibo para sa pag-implementar it drainage master plan makaron nga dag-on.

Tuyo sigon kara nga maayos ro daeagan ukon sistema it mga drainage canal sa Kalibo para malikawan ro mga pagbaha kada tyempo it tag-uean.

Madumduman nga ko nagtaliwan nga adlaw it Sabado, Oktobre 23 naka-eksperyensya it maeapnagon nga pagbaha ro pilang kabanwahanan sa Aklan kung siin kaibahan eon kara ro Kalibo tuga it Low Pressure Area (LPA).

Aminado si Engr. Villanueva nga maabo nga drainage canal sa banwa nga owa it nagakaigo nga sistema kamana man nga owa nagakabagay ro disyenyo sa makaron nga panyempo.

-- ADVERTISEMENT --

Dugang pa kara nga catch basin ro Kalibo rason nga masami rayang ginabaha kung masyadong mabaskog ro uean ag sueog it tubi halin sa banwa it Libacao ag Madalag.

Dapat sigon nga maging konektado ro kada drainage system it banwa para maging maayos ro daeagan kara ag kinahang-ean man nga maka-identify it drainage outline.

Boses ni Municipal Planning Coordinator Engr. Marlo Villanueva