KALIBO, Aklan—Nagbatun it kapin sa P10,000 nga household livelihood assistance it Philippine Red Cross ro pilang ka mga residente it Barangay Bakhaw Norte ag Bakhaw Sur sa banwa it Kalibo.

Suno kay Kalibo Sangguniang Bayan member Matt Aaron Guzman nga ko petsa 24 it Nobyembre hay ginpanudpod eun it international federation ro tig-P10,000 nga ayuda para sa 128 ka mga indibidwal nga andang napilian bilang mga benipisyaryo it nasambitan nga programa.

Ginpili man sigon it Red Cross ro nasambitan nga lugar bangud  nga sanda ro eubos nga naapektuhan  kat nagpanasaea  ro Bagyong Yolanda.

-- ADVERTISEMENT --

Samtang, may una man nga tatlong  ka mga asosasyon nga pagataw-an it taeatapan it cash grant para sa programang nagatuyong magkampaniya it gender awarenes.

Samtang sa pihak nga parte ginkalipay man ni Guzman nga ipaabot sa publiko nga kapin sa 15 ka mga fisher folks  maghalin sa banwa it Kalibo ro nakabatun it pangkabuhayan kit.

Ro nasambitan nga pangkabuhayan kit hay ginakaeakipan it digital  nga kiluhan ag banyera.