KALIBO, Aklan—Mabahoe nga kwestiyon makaron kon ma-impeach pa baea si outgoing US president Donald Trump.

-- Advertising --

Suno kay Bombo International Correspondent  Greg Aguilar,  tubong  banwa it Kalibo  ag presenteng naga-istar sa California, USA nga sa Enero 20 naka-schedule ro pagpamati sa  impeachment case ni Trump, apang sa raya nga adlaw man imaw pormal nga magapanaog sa pwesto ag pagabuslan ni  incoming US president Joe Biden.

Mainit sigon raya nga ginadebatehan  makaron sa Estados Unidos.

Madumduman nga nagboto ro US House of Representatives  agud nga i-impeach si Trump sa boto nga  232-197.

Makasaysayan suno kana ro natabu bangud si Trump ro naga-isaeahanon  nga pangueo it Amerika nga na-impeach it daywang beses.

Raya hay  may kaangtanan sa kasong “incitement of insurrection”  bangud sa anang naging papel sa natabu nga kinagamo  sa US Capitol ko nagtaliwan nga dominggo.

Gindugang pa ni Aguilar nga  pursigido si  House Speaker Nancy Pelosi nga mapahalin si Trump sa anang pwesto  bangud nga klaru sigon nga nagatau  eamang   raya it peligro  sa andang nasyon.

Apang paalin sigon nga ma-impeach  ag ma-sentensiyahan  imaw it  Senado sa pihak nga sang dominggo eon lang raya sa White House.