KALIBO, Aklan—Opisyal eun nga nagbukas ro klase  sa mga eskwelahan sa bilog nga probinsiya it Aklan makarun nga adlaw it lunes kasunod it pag-umpisa it school year 2021-2022.

Suno kay Abe Joy Bisaran, School Principal II it Kalibo Pilot Elementary School nga kaina hay nagpanudpod eun sanda it module sa mga ginikanan it mga estudyanteng nagpa-enroll makarun nga school year.

Samtang, gin-schedule man sigon ro pag-adto it mga ginikanan agud nga masunod ro ginapatuman nga mga health protocol.

Madumduman nga umpisa nga nag-eupok ro  pandemya tuga it covid-19  hay owa eun ginpasugtan ro pagpatigayon it face-to-face classes.

Kaabuan man sa ginagamit nga mode of learning sa probinsiya hay modular kung sa siin ro mga ginikanan eamang ro maga-adto sa ekswelahan agud nga magbo-oe it  module parasaandang mga unga.

-- Advertsement --
Boses ni Abe Joy Bisaran, School Principal II

Samtang sa pihak nga parte, naging positibo man ro mga ginikanan sa pagbalik-eskuwela it andang mga unga sa tunga it ginapangatubang nga pandemya.


Suno kay Mrs. Ninia Aklan nga maskin owa eun it face-face classes ag una eamang nagatuon sa andang baeay ro anang mga unga hay ginapasiguro kara nga sanda hay may oras sa  pagtuon ag pagsabat it module.

Boses ni Ninia Aklan