KALIBO, Aklan–Nagapadayon ro operasyon it Kalibo public market sa pihak it may sangka empleyado it munisipyo nga naka-assign sa tindahan ro nagpositibo sa COVID-19.

-- Advertising --

Suno kay Kalibo Mayor Emerson Lachica nga ginahueat pa nanda ro advise it Municipal Health Office sa mga dapat nga obrahon.

Apang padayun suno kana nga ginapatuman sa tindahan ro istriktong minimum health and safety protocols agud nga malikawan ro pagkalhit it makamaeatay nga virus.

Kaibahan eon kara ro social distancing ag pagsuksok it face mask.

Hugut man sigon nga ginapatuman ro entry ag exit points agud nga malikawan ro pagbuhos it mga nagasueod nga bumaeakae.

Samtang, matapos suno kana ro contact tracing hay iga-isolate ro mga nakasalamuha it pasyente.