KALIBO, Aklan—Normal nga usuyon it publiko ro presensiya ni pangueong Rodrigo Duterte sa atubang it waea-tuo nga problema nga ginapangatubang it nasyon.

Raya ro ginpahayag ni Aklan 1st District Sangguniang Panlalawigan member Atty. Harry Sucgang matapos nga haeos daywang domingo nga owa nakapakita ro pangueo.

-- Advertising --

Suno kana nga nagkaeain-eain nga espekulasyon ro nagatuhaw eabi eon ro pagduda it oposisyon nga posibleng nagmasakit raya.

Nagapati si Atty. Sucgang nga posibleng nagpahuway-huway eamang si Duterte bangud sa kaabuon it problema nga ginapangatubang it Pilipinas partikular ro covid-19 pandemic ag ro isyu sa West Philippine Sea.

Bilang lider it nasyon suno kana hay pirme raya nga nakasayod sa sitwasyon ag  ginamanduan ro mga ahensiya it gobyerno kon paalin nga mabuligan ro mga apektadong pumueuyu.

Indi man sigon pwedeng pirmeng ipakita it pangueo  sa social media ro anang pagtrabaho sa pagsabat sa problema  it nasyon.


Sa pihak kara, pwedeng style man raya ni Duterte agud nga mabo-oe ro reaksyon it publiko ag mga kaaway sa pulitika.

Boses ni Aklan 1st District Sangguniang Panlalawigan member Atty. Harry Sucgang