KALIBO, Aklan—Ginpadumdum it Malay Tourism Office sa mga turista nga gustong magbakasyon sa Boracay nga kinahangean sa gihapon nga mag-presentar sanda it negatibong RT-PCT test result  antes nga makasueod sa isla.

Suno kay Malay Tourism Officer Felix Delos Santos nga raya hay base sa abiso nga ginpaguwa ni Aklan Governor Florencio Miraflores nga may petsang Oktubre 21, 2021.

Ro pagpadumdum hay kasunod man it  ginpaguwa nga pahayag it Department of Tourism nga ginabuksan  eon ro mga sikat nga  tourist spot sa  nasyon  sa tanan nga edad nga fully vaccinated eon kapareho it  Boracay,  Palawan, Siargao, La Union ag Ilocos Norte.

Ginklaru pa ni delos santos nga ginapasugtan eon nga maka-uli sa probinsiya  ro mga bakunadong returning aklanons  maskin  nga owa it  negative result it  covid 19 test.

Kinahangean  eamang sigon nga magpakita it  vaccination certificate ukon LGU vaccination card.

-- ADVERTISEMENT --

Samtang, mag-eowas sa RT-PCR test nga 72 oras antes ro pagbiyahe, pila pa sa mga entry requirements sa  Boracay hay ro hotel confirmation halin  sa  DOT-accredited accommodation establishment  nga gintaw-an it  Certificate of Authority to Operate (CAO);  government  ID , travel details, ag kompleto nga  online health declaration form  halin sa www. touristboracay.com.

Boses ni Malay Tourism Officer Felix Delos Santos

Sa pihak nga parte, ginkumpirma ni Delos Santos nga uman nga nabatyagan ro presensiya it mga taga National Capital Region ukon NCR sa Boracay matapos nga haeugaan it gobyerno ro quarantine restrictions idtu  ukon alert level 4.

Base sa record it  Malay Tourism Office, naga abot eon  sa 16,638  ro tourist arrivals umpisa Oktubre 1 hasta 21, 2021.

Kaabuan kara hay halin sa NCR nga ginsundan it taga-Calabarzon ag mga Aklanon.

Bangud sa mataas nga discount rate eabi eon sa mga  high-end nga mga  hotels  ag resorts nga naga-offer it  50 to 70%,  naging uso makaronsa isla ro hotel hopping.

Maabu man sigon nga ginatanyag nga mga tourist activities sa barato nga presyo.

Boses ni Malay Tourism Officer Felix Delos Santos