KALIBO, Aklan—Uman nga nabatyagan ro presensiya it mga taga National Capital Region ukon NCR sa isla it Boracay.

Raya hay matapos nga makalista it 9,625 nga numero it mga nagbakasyon sa isla umpisa  Oktubre 1 hasta  17.

Nasayuran nga nagapanguna  gihapon ro  NCR  sa tourist arrivals nga nailista it  Malay Tourism Office  sa nasambit nga  period nga naka-record it  12,877.

Haeos katunga ro  gintaas it  nasambit nga  numero kun igakumpara  sa nailistang tourist arrivals sa bilog nga  buean it  Setyembre nga 6,702.

Nagapangaywa sa may pinakamataas nga visitors arrivals  ro  Aklanons nga may 861,836 sa CALABARZON, 713 sa Central Luzon, 322 sa Western Visayas ag iba pa.

-- ADVERTISEMENT --

Uman nga ginbuksan ro  boracay ko Setyembre  8 matapos nga ipaidaeum ro probinsya sa general community quarantine ukon GCQ.

Nagapabilin nga owa it ginbag-o sa mga requirements  sa pagsueod sa isla  partikular ro  negatibong RT-PCR test result.