KALIBO, Aklan—Nagapabilin nga bagsak ro numero it mga turista nga nagbakasyon sa isla it  Boracay makaron nga buean it Abril bangud gihapon sa epekto it Coronavirus Disease  2019  ukon covid-19 pandemic.

Suno kay Felix Delos Santos, head it Malay Municipal Tourism Office nga umpisa Abril 1 hasta 23,  naga abot eamang sa 1,129 nga mga bisita ro nagsueod sa isla.

-- Advertising --

Raya hay bangud sa mga travel restrictions nga ginpatuman sa  Metro Manila ag iba pang mga kaiping nga probinsiya it  Bulacan, Cavite, Laguna, ag mga probinsiya it Rizal bangud sa pagtinaas it kaso it  deadly virus.

Mag-eowas kara, may mga ginpatuman man nga lockdown sa mga barangay it isla.

Ro nailista suno kana nga numero it  tourist arrival makaron hay masyadong maeayo sa nairecord nga  3,000 to 5,000 kada adlaw  nga turista  kat owa pa nagtama ro pandemya.

Apang kon may mga events sa isla,  ro arrivals hay naga abot  sa haeos 11,000  hasta 12,000 kada adlaw.

Naka-experiensiya man sigon sanda it jampacked nga turista nga umabot it 40,000 sa sueod eamang it sang adlaw sa mga ginapatigayon nga selebrasyon it LaBoracay.

Sa uman nga pagbukas it isla sa mga local tourists, nagapanguna sa andang mga bisita hay taga-NCR  rason nga grabe ro naging epekto sa ginpatuman nga NCR plus bubble.

Sa makaron hay target market nanda ro mga turista nga  taga Western Sisayas  agud nga maskin paalin hay mapabaskog ro turismo sa isla.

Obligado  gihapon ro  mga turistang magpakita it andang  COVID-19 test results halinn  sa mga lisensiyadong laboratoryo 72 oras bago ro andang biyahe  paagto sa isla kamana man ro online health declaration card, confirmed hotel booking,  S-Pass  ag anumang valid government identification cards sa andang pag-abot   sa Caticlan jetty port agud nga  makabo-oe it quick response (QR) code  halin sa mga validating team.

Nagapabilin nga owa it age restrictions sa mga bakasyunista  apang  hugut nga  gina require ro pagsunod sa health and safety protocols.

Bawae gihapon suno kana ro mga close contact activities sa isla.

Boses ni Municipal Tourism Officer Felix Delos Santos