KALIBO, Aklan—Nadugangan pa ro numero it mga miyembro it Police Regional Office ukon PRO-6 ro tinamaan it COVID-19.

Suno kay PLTCOL Joem Malong, tagapaghambae it PRO-6 nga dugang nga 16 nga tawuhan it andang headquarters nga naka assign sa  regional operations division  ro nagpositibo sa nasambit nga sakit.

-- Advertising --

Bangud kara, nag-abot eon sa 106 ro aktibong kaso  hasta ko Abril 30, 2021.

Tuga it nasambit nga insidente, naka-isolate suno kana ro  tanan nga mga personnel it regional operations division  ag nagpatigayon it contact tracing sa andang mga high risk contact ag ginpaidaeum  sa swab testing.

Naka-skeleton force  man suno kana ro mga tawuhan makaron it PRO-6 ag ro iba hay naka work from home arrangement.

Sa pihak nga parte, naga-abot  sa 6 ro mga pulis sa aklan nga nagpositibo sa COVID-19 kun  sa siin  tatlo kara ro active cases ag padayun nga naka-isolate  ag tatlo ro nagmayad eon.

Otomatiko nga may ginatau suno kana nga monetary assistance ro Regional Office 6 sa mga pulis nga nakaangkon it COVID  ag goods sa mga miyembro it andang pamilya.

Boses ni PLTCOL Joem Malong