KALIBO, Aklan—Kasunod it pagkapili kana nga unang mataw-an it bakuna kontra COVID-19 sa probinsiya it Aklan, mabahoe ro naging pagpasaeamat kara ni Nabas mayor James Solanoy.

Suno kana nga ro pagpabakuna hay dugang nga proteksyon kontra sa makamaeatay nga sakit.

-- Advertising --

Apang palaisipan suno sa alkalde kon ham-an nga naeakip imaw sa priority list.

Posible suno kana nga mag-eowas nga haum eon ro andang banwa sa vaccination rollout hay naging factor man ro pagiging ‘gateway’  it anang banwa paagto sa isla it Boracay nga sangka sikat nga tourist destination.

Nasayuran nga kaibahan ni Mayor Solanoy si Governor Florencio Miraflores ag  Malay Mayor Frolibar Bautista.

Gindugang pa kara nga mabuhay eon nana nga ginakampanya sa anang mga kasimanwa nga engkaso nga maging available eon ro bakuna hay indi eon magduha-duha pa  ag batunon ro anuman nga bakuna nga gintaeana it  gobyerno.

Suno kana nga mas mayad nga makaangkon it proteksiyon kontra sa sakit eabi eon ag mabuhay pa ro magiging away kontra COVID-19.

Boses ni Nabas mayor James Solanoy