KALIBO, Aklan—Patay ro sangka motorista matapos nga sumunggab sa nakaparking nga 10 wheeler truck sa kilid it karsada sa national highway nga sakop it Brgy. Tigayon, Kalibo.

-- Advertising --

Ginkilaea ro driver nga si Leover Salonzo, 34-anyos ag residente it Brgy. Marianos, Numancia.

Samtang, ro truck driver hay ginkilaeang si Randy Victoriano, 32-anyos ag residente it Dumarao, Capiz.

Suno kay Victoriano, halin sanda sa Iloilo City karga ro mga bakal paadto sa banwa it Numancia kat pag-abot sa nasambit nga lugar hay kinahang-ean nanda nga magpundo agud nga makaidlip maskin makadali.

May kaangtanan kara, bandang alas-12:00 it tungang gabie hay nakibot sigon sanda bangud nga may eomagapok kadungan man sa pagdaeagan kanda it gwardya it maeapit nga hardware establishment agud nga impormahan ro mga raya nga may sumunggab nga motorisklo sa andang behikulo maghalin sa banwa it Banga paadto it Kalibo.

May warning device man suno kana nga nakabutang sa andang trucking.

Nadaea pa sa Aklan provincial hospital ro driver apang binawian man it hueam nga kinabuhi samtang ginabueong matapos nga makaangkon it fatal nga lastro sa eawas.