KALIBO, Aklan—Ninahan ro sangka motorista matapos nga maaksidente sa national highway nga sakop it Brgy. Estancia, Kalibo.

Ginkilaea ro driver nga si Roberto Diego, 50-anyos, residente it Brgy. Tigayon kon sa siin nakaangkon raya it kasakitan ag lastro sa eawas matapos nga matumba sa ginamanehong motorsiklo tuga it pagkasunggab kara sa nag U-turn nga tricycle nga ginamaneho ni Dere Macahilig, 46-anyos ag residente it nasambit nga lugar.

-- Advertising --

Base sa report, nataeopangdan nga parehong una sa idaeom it impluwensya it aeak ro magtimbang nga parte kat natabo ro aksidente.

Samtang, ro insidente hay padayon nga ginaimbestigahan it traffic section it Kalibo PNP para sa nagakaigong disposisyon.