KALIBO, Aklan—Puno it pagpasaeamat ro mga nagdaeaog sa ika-pito nga domingo nga draw it  “Enhanced Swerte sa Palengke 2021 promo balde-baldeng pa-premyo na, may cash pa” matapos nga mabaton ro andang natungdan nga mga premyo nga ginaeakipan it cash prize ag gift pack.

Ginsaysay it mga tagdaog nga sa tunga it kalisod tuga it covid 19 pandemic, mabahoe nga bulig para kanda ro nabaton nga cash prizes agud nga ibakae it mga kinahangeanon sa sueod it baeay ag pangbayad utang.

-- Advertising --

Sa send-in entries,  nabaton eon ni Rommel Dela Cruz it barangay Tinigao, Kalibo ro anang nadag-an nga 5,000 pesos nga cash  nga imaw mismo ro naghuyap ag gift pack nga nagabalor it 500  pesos nga nakasueod sa balde it orocan.

Boses ni Rommel Dela Cruz

Sa pihak nga parte,  malipayon man ro 2nd prize winner nga si Evelyn Torre  it  barangay Poblacion, Kalibo  sa anang pagbaton it 4,000 pesos nga premyo bangud nga may pangbakae eon imaw it dugang nga kinahangeanon sa sueod it baeay.

Kadungan kara, gin engganyo nana ro iba pang tagpaeamati it Bombo radyo Kalibo nga magpadaea man it mga entries agud nga makaangkon it chansang magdaog.

Boses ni Evelyn Torre

Samtang,  ginpasaeamatan man it 3rd prize winner nga si Edgardo Garcia it  barangay  Cerrudo, Banga ro nabaton nga 3,000 pesos nga premyo.

Mabahoe nga bulig suno kana  ro  promo it  Bombo Radyo Philippines  sa tunga it malisod nga pagpangabuhi tuga it  COVID 19 pandemic.

Boses ni Edgardo Garcia

Sa pihak nga parte,  na-claim man it mga online activation winners sa Enhanced Swerte sa Palengke 2021 promo ro andang nadag-an nga mga  premyo.

Nabaton eon it major prize winner nga si Brien Lloyd Nabor it Barangay Tinigaw, Kalibo  ro anang  3,000 pesos nga premyo ag 1,000 pesos nga balor it gift pack nga nakasueod sa balde it orocan.

Samtang,  pareho man nga nagbaton it tig-1,500 pesos nga cash  ag 1,000 pesos nga balor it  gift pack ro consolation prize winners nga sanday,  shena paderes it  barangay bakhaw sur, kalibo ;  Ruth Roldan  it  barangay poblacion,  kalibo  ag jovanie marte it  sitio libuton,  barangay bakhaw norte, kalibo.