KALIBO, Aklan—Gintalakay sa ginpatigayun nga session it Sangguiniang Panlalawigan ro may kaangtanan sa naga-tinaas nga numero it mga siklista nga naga-agi sa mga national highway it probinsya it Aklan.

Ginpahayag ni Sangguniang Panlalawigan member Nemesio Neron nga may pilang ka mga sector ro nagpaabot it andang rekomendasyon nga i-regulate ro aktibidad it pilang grupo it mga siklista.

Nagakabaeaka sigon sanda bangud pila sa mga raya hay naeakot eon sa mga aksidente sa karsada.

-- ADVERTISEMENT --

Dugang pa kara nga may pilang lokal nga gobyerno nga bukon pa it haum sa pag-akomodar it masyadong abu nga numero it mga siklista bangud bukon it tanan nga banwa sa Aklan hay may kaugalingon nga lane para sa mga naga-biseklita.

Nasayuran nga umpisa nga magtuhaw ro pandemya hay nag-inabo eon ro nagagamit it biseklita bilang remedyo sa mahae nga pamasahe ag para masunod ro ginapatuman nga physical distancing sa mga pampublikong transportasyon.