KALIBO, Aklan—Gin-anunsyo it gobyerno probinsyal nga ro mga fully vaccinated returning Aklanons hay inde eon pag-irequire nga magpakita it negatibong resulta it reverse transcription-polymerase chain reaction ukon RT-PCR test.

Sandig sa advisory nga ginpirmahan ni Aklan Governor Florencio Miraflores, kahapon Oktobre 21, 2021, ro mga returning Aklanons nga fully vaccinated hay pwede eon lang magsumiter it vaccination certification nga mabueo sa  https://vaxcert.doh.gov.ph ukon vaccination card nga gin-isyu it natungdan nga lokal nga gobyerno.

Samtang, ro requirement it SPASS para sa gustong mag-adto sa Aklan ag isla it Boracay hay temporaryo man nga suspendido.

Mag-eowas kara, ro ibang requirements nga nakabaehag sa pinakaulihing executive order nga ginpaguwa it gobernador hay padayon nga maga-iral.

Nasayuran nga mas pang ginhaeogaan ro quarantine ag travel restriction sa bilog nga probinsya it Aklan matapos nga nagapadayon ro pagnaba it aktibong kaso it covid-19.

-- ADVERTISEMENT --