KALIBO, Aklan—Gindaea eon sigon sa quarantine facility ro mga indibidwal nga naka-istar sa mga panimaeay nga ginpaidaeom sa Surgical Enchanced Community Quarantine (SECQ) sa pilang prosyon it Purok 2, 3 ag 4 sa C. Laserna Street, Brgy. Poblacion, Kalibo.

Ro lockdown hay magabuhay it hasta daywang dominggo nga nag-umpisa ko Enero 16 ag magatapos sa Enero 30.

-- Advertising --

Suno kay Police Major Belshazzar Villanoche, hepe it Kalibo Police Station, owa eon it nabilin nga tawo sa nasambit nga mga panimaeay apang hugut gihapon nga ginabantayan it mga  kapulisan ro lugar agud masiguradong owa it naga-eabag sa ginapatuman nga protocols.

Samtang, nagpatuman man it mas tempranong curfew hours ag liquor ban sa bilog nga C. Laserna Street, Kalibo sandig sa ginpagguwa nga Barangay Resolution No.5 Series of 2021.

Kung siin, imbes nga alas-9 it gabi-i hay ginhimo raya nga alas-7 it gabi-i hasta it alas-5 it aga-aga.

Boses ni Police Major Belshazzar Villanoche