KALIBO, Aklan—Hugut gihapon nga ginabawaean ro pagguwa it mga menor-de-edad sa mga pampublikong lugar eabi eon kung owa it kaibahan nga ginikanan ukon guardian.

Raya ro ginpahayag ni Punong barangay Niel Candelario it Poblacion, Kalibo sa interview it Bombo Radyo.

Suno kana, nagapabilin gihapon ro paeag it COVID-19 ag iba pang variant rason nga kinahang-ean gihapon nga magdahan ro tanan.

Aminado si Candelario nga maabo eon nga mga report ro nabaton it anang opisina angot sa mga pamatan-on nga nagawinarang sa Kalibo Pastrana Park ag pilang establisyemento nga owa it kaibahan nga ginikanan.

Bangud kara, nagpatawag sigon imaw it pueong kaibahan ro Municipal Social Welfare and Development Office (MSWDO) ag Kalibo Municipal Police Station para maiplastar ro mga pagahimuon nga tikang.

-- ADVERTISEMENT --

Sa makaron hay regular eon ro paglibot it Barangay Peace-keeping Action Team para masiguro nga owa eon it mga pamatan-on nga nakakalhit sa mga karsada.

Boses ni Punong barangay Niel Candelario