KALIBO, Aklan—Gina-ayos eon it mga kabarangayan ro listahan it mga unang pagabakunahan kontra sa COVID-19 sa banwa it Kalibo.

Suno kay liga ng mga Barangay President Kalibo Chapter  ag Pook Punong Barangay Ronald Marte nga nagpanupod eon ro andang mga midwives ag Barangay Health Emergency Response Teams ukon BHERTS it mga pormas nga pagasabtan it  mga prayoridad nga mabakunahan  gamit ro AstraZeneca.

-- Advertising --


Angot kara,  ginrekomenda ni  kapitan marte nga dapat nga mas pang hugtan ro information dissemination  agud nga eubus nga maintindihan ro importansiya it bakuna.

Raya hay matapos nga makaangkon it phobia ro publiko  bangud sa kontrobersiya  it dengvaxia vaccine   ag mga fake news.

Maabu suno kana ro haum nga magpabakuna ag may una man nga nagaduha-duha.

Kasado eon man suno kana ro simulation it pagbakuna  it LGU-kalibo  kabulig ro Department of Health.

Pila  sa mga prayoridad nga bakunahan hay ro mga health care frontliner,  senior citizens ag mga halin  sa pigadong pamilya.

Samtang pabor man imaw nga magpanguna sa pagataw-an it bakuna ro mga opisyal  agud nga magtaas ro kumpiyansa it publiko.

Madumduman nga gintumod eon it LGU-Kalibo ro daywang vaccination centers sa Kalibo nga ginaeakipan it covered court it Kalibo Pastrana Park  ag gymnasium it Aklan Catholic College.

Boses ni Pook Punong Barangay Ronald Marte