KALIBO, Aklan—Paga-umpisahan eon ro pagsemento sa karsadahon nga sakop it Sitio Cagiyaw Barangay Jugas, New Washington nga nagakonekta sa Brgy. Camaligan, Batan.

Suno kay Engr. Moriel Macavinta it Provincial Engineering Office  ukon  PEO-Aklan nga sa unang parte it dag-on 2022 antes ro banning period para sa national and local elections  hay paga-umpisahan ro proyekto nga may pondo nga kapin  sa  P40 milyon.

Madumduman nga  nauna eon nga ginareklamo it mga motorista ag residente ro nasambit nga karsada  bangud nga mag-eowas nga eubak-eubak ag maeasa pa eabi eon  makaron nga tiempo it tag-uean.

-- ADVERTISEMENT --

Nagpangayo man it pag-intindi si Engr. Macavinta bangud sa kaabuan it mga karsadahon nga nakataeanang paga-ayuson kun sa siin tigsambilog sigon nanda raya nga ginataw-an it atensyon.