KALIBO, Aklan—Haom eun ro tanan nga mga ekswelahan sa probinsiya it Aklan para sa pagbukas it klase para sa school year 2021-2022 nga maga-umpisa hin-aga nga adlaw it Lunes, Setyembre 13.

Suno kay Mr. Elnor Luna, School Principal 1, Bakhaw Norte Integrated School nga hasta hin-aga hay puwedi sa gihapon nga magpa-enroll ro mga estudyanteng gusto nga magtuon makarun nga school year sa pihak it padayun nga pakikipagsukoe it nasyon sa coronavirus disease ukon covid-19 pandemic.

Samtang makarun nga school year sigon hay nakalista ro Department of Education  ukon DepEd-Aklan it mas mataas nga numero it mga enrolles.

Sa pihak kara gin-ako man ni Luna nga maabong challenges ro andang ginapangatubang makarun  sa tunga it pandemya mas kapin  ag  ro andang mode eamang it pagtuon hay  modular learning.

Apang, ginpasiguro man kara nga raya tanan hay indi  makaaapekto agud nga maihatod sa mga estudyante ro nagakaigo nga edukasyon.

-- Advertsement --
Boses ni Mr. Elnor Luna, School Principal 1