KALIBO, Aklan–Haom eun nga igapanudpod it Department of Agriculture (DA) ro mga binhi nga nakataeana para sa masunod nga cropping season it mga mangunguma sa banwa it Kalibo.

-- Advertising --

Suno kay Uriel  Las Piňas, Municipal Agricultural Officer sa banwa it Kalibo nga ro nasambitan nga binhi hay kaparte it Rice Competitiveness Enhancement Fund (RCEF) nga progama it DA nga  nagapanudpod it nga binhi, abuno, loan, machineries ag training para sa mga mangunguma nga  nakarehistro sa DA.

Dugang pa kara nga ro mga  binhi hay maghalin sa Philippine rice.

Makabatun it daywang  ka bags it binhi ro mangunguma nga may unang sangka  hektarya it eugta.

Kung indi  maka-abot it  sangka hektarya  hay pagataw-an eamang it sangka sako.

Samtang, nagpanudpod man it mga sapat ro DA sa pilang nga mga recipients sa banwa it kalibo nga naapektuhan it mga nagtaliwan nga bagyo.

Kapin sa 36 nga mga kanding ag 21 nga baka ro natigayon nga maitao sa mga maswerteng benipisyaryo.

May kondisyon man raya nga engkasong makapatiyo eun  ro recipients hay obligado nga pagabayaran  ro  anang ginbatun nga sapat  agud nga maitao man sa iba pang residente nga kwalipikadong maka-avail it nasambitan nga ayuda.