KALIBO, Aklan—Ginbaha man ro pilang ka mga interior barangay sa banwa it New Washington bangud sa sigidas nga pagbubu it uean.

Suno sa MDRRMO-New Washington nga haeos bukon eon it passable ro mga daeanon sa bahin it Brgy. Guinbaliwan ag Brgy. Jugas.

Ginapahayag nga masyadong mataas ro tubi-baha sa nasambit nga mga lugar kung siin nabudlayan eon maskin ro mga daeagkuan nga behikulo kapareho it dump truck nga maka-eusot.

Boses ni Reden Benig

Samtang, naging mabudlay man para sa mga motorista ro pagtabok sa kahabaon it Crossing Banga-New Washington ag Osmeña Avenue, Kalibo bangud sa masyadong mataas nga tubi-baha.

May pila pa ka mga motorsiklo ro tumirik matapos mapaeungan it makina.

-- ADVERTISEMENT --