KALIBO, Aklan—Gintugyan it Sangguniang Panlalawigan it Aklan sa Committee on Laws, Rules and Ordinances ro ginpasaka nga kaso ni Madalag Vice Mayor Rex Gubatina kontra sa anang igkampod nga si Madalag Mayor Alfonso Gubatina.

Ginpasakaan it bise alkalde it kasong administratibo partikular ro dishonesty and misconduct from the office si Mayor Gubatina.

Ro nasambit nga kaso hay nakataeana pa nga pagatalakayon it komite.

Matueopangdan nga maga-engkwentro sa pagka-alkalde it Madalag ro mag-igkampod sa 2022 national and local elections.