Kalibo Aklan———–Owa it naging epekto sa nasyon nga Libya ro nagakatabong kinagamo sa kaeapit karang nasyon nga Sudan.

Suno kay Bombo International Correspondent Annaliza Perio, sangka nurse sa Libya nga naka-focus makarun ro andang gobyerno sa pakikipagsukoe sa coronavirus disease ukon covid 19.

Owa man sigon it mga nagakatabong repatriation sa andang nasyon bangud medyo strikto ro gobyerno it Libya sa pagpasueod it mga turista.

Samtang sa pihak nga parte ginpahayag man kara nga haeos kaabuan sa mga porsiyento it mga Pinoy sa nasambitan nga nasyon hay nabakunahan eun kontra covid-19.

Samtang, nagapanawagan man makarun ro mga Pinoy sa Libya kay Pangueong Rodrigo Duterte nga  mabuligan sanda agud nga uman nga makaangkon it bank to bank remittance.

-- ADVERTISEMENT --

Raya hay bangud nga nagapabilin eamang  sigon sa  100 dollars ro andang suweldo samtang ro mga bangko idto hay nagpataas it andang dollar rate.