KALIBO, Aklan—Uman nga gin-engganyo ni Libacao Mayor Charito Navarrosa ro mga pomoeuyong Libacaonon nga magpabakuna kontra sa makamaeatay nga virus nga COVID-19.

Raya hay matapos imaw nga mabakanuhan ko adlaw it Lunes it Sinovac vaccine kaibahan ro pilang ka mga mayor ag ro mismong ama it probinsya nga si Aklan Governor Florencio Miraflores.

-- Advertising --

Dugang pa kara nga owa it naging reaksyon kana ro nasambitan nga bakuna ag sa pihak kara hay mas pang naging manami ro kondisyon it anang eawas.

Samtang nagpadumdom man raya sa anang mga nasakupan nga padayun nga magsunod sa ginapatuman nga protocol agud magapabilin nga euwas sa COVID-19.

Nasayuran nga kaibahan pa sa mga nagbaton it  unang dose it bakuna sanday League of the Municipalities of the Philippines (LMP)-Aklan chapter president ag Ibajay Mayor Joen Miraflores, Mayor Denny Refol Jr. it  Altavas, Mayor Garry Fuentes it Tangalan, Mayor Abencio Torres it Makato, Mayor Alfonso Gubatina it Madalag, Mayor Lenneth Fernandez it Lezo, Numancia Mayor Jeserel Templonuevo ag Mayor Rodell Ramos it Batan.

Boses ni Libacao Mayor Charito Navarrosa