KALIBO, Aklan—Ginahueat eon lang makaron it lokal nga gobyerno it Malay ro approval it Sangguniang Panlalawigan it Aklan sa andang ginpasa nga resolution angot sa cityhood it Malay.

Ginpabugae makaron ni Malay Mayor Frolibar Bautista nga pasado sa daywang criteria para maging city ukon siyudad ro andang banwa.

-- Advertising --

Suno kana kinahang-ean nga makapasar sa tatlong major requirement ro sangka banwa agud maging siyudad raya.

Una hay dapat nagakita raya it kapin sa 50 million, pangaywa hay dapat may land area rayang kapin sa 100 square kilometers ag pangatlo dapat may populasyon rayang indi magnaba sa 100,000.

Suno sa alkalde, pasado ro Malay sa daywag criteria partikular sa income bangud nagakita raya it haeos 400 million kamana man sa land area.

Masobra siyam nga dag-on eon sigon ro nagtaliwan kat ginbaeay ro unang resolution nga nagaduso sa Malay para maging siyudad.

Makaron suno kana sa anang tyempo uman rayang ginbuhi ag ginatinguhaan nga ma-finalize it province agud maipasa eon sa kongreso.

Nagpabutyag man sigon it suporta si Aklan 2nd District Congressman Teodorico Haresco para maging sponsor it nasambit nga proposisyon.

Aminado man ro opisyal nga kaabo nga mga requirements ro dapat nga ipasa sa pag-apply it cityhood.

Sa oras suno kana nga maging siyudad ro Malay hay mabahoe man ro posibilidad nga mag-increase ro andang Internal Revenue Allotment (IRA).

Nasayuran nga nag-apply man sa kaparehong posisyon ro Kalibo apang owa raya mapasugtan bangud owa makapasa sa land area ag numero it populasyon.

Boses ni Malay Mayor Frolibar Bautista