KALIBO, Aklan—Mabahoe ro pagpati ni Malay Mayor Frolibar Bautista nga uman nga maabot  ro  prepandemic average nga daily arrival nga 4,000 kada adlaw  sa isla it Boracay.

Suno  kay Mayor Bautista,  padayun ro pag abu  it  mga turistang nagahandum nga makasueod  sa  pamosong isla umpisa nga boe-on ro  RT-PCR test sa mga bakunadong turista.

Ginaeauman nga mas pang maga abu  ro numero it mga request hasta sa holiday season.

Boses ni Malay Mayor Frolibar Bautista

Samtang, gindugang pa ni Mayor Bautista nga nasolusyunan eon sigon it   lokal nga gobyerno it Aklan ro  aberyang natabu ko Martes, Nobyembre 16, kat mag-alburuto ro pilang mga turista sa Ninoy Aquino International Airport nga owa nakahingabot sa andang natungdan nga flights bangud sa kapas-eawan nga makabo-oe it required nga QR codes sa tamang oras.

Suno kana nga may bastante eon nga mga  validators  nga magabaton it mga  tourist applications para sa QR code.

-- ADVERTISEMENT --

Ro  QR code hay ginagamit  agud nga  madaling ma-monitor ag ma-trace it mga awtoridad ro pagtinir it  turista sa isla.

Umpisa Nobyembre 1 – 14, naga abot  sa kabilugan nga 24,355 ro mga nagbisita sa  Boracay.

Nobyembre 19, nakalista it pinakamataas nga tourist arrivals nga 2,914.

Boses ni Malay Mayor Frolibar Bautista