Kalibo Aklan———–Nakaplastar eon ro mga plano it  lokal nga gobyerno it Kalibo para sa igakasang 3-day vaccination drive sa nasyon.

Suno kay Dr. Jocelyn Garcia it  Municipal Health Office (MHO-Kalibo) nga maga-dere-deretso ro andang bakunahan sa daywang vaccination sites.

Apang igapaisoe  sigon nanda ro andang vaccination drive kontra covid-19 sa Nobyembre 30 agud nga taw-an it daean ro pagbakuna  it mga inunga sa measles-rubella and tetanus toxoid.

Sa Nobyembre  29 suno kana hay target nanda nga mabakunahan ro pediatric ag adult population.

Ro pagbakuna sigon sa  mga naga edad  it  15 hasta 17 anyos hay pagahiwaton sa covered court it Kalibo Pastrana Park samtang ro adult population hay sa auditorium it st Gabriel College sa Brgy. Old  Buswang, Kalibo.

-- ADVERTISEMENT --

Magapadayun ro andang pagbakuna kontra covid- 19 sa Disyembre  1 ag 2.

Nasayuran nga  handum  it  gobyerno nga makapagbakuna it hasta  sa 5 milyong indibidwal sa tatlong araw nga bakunahan.

Angot kara,  nag apela si Dr. Garcia sa  mga eligible population nga magpabakuna eon  agud nga mapaeapad pa ro sakop it vaccination agud nga makabulig nga maabot ro herd immunity.

Owa man sigon it problema makaron sa supply it bakuna  rason nga madasig ro andang roll-out.

Sa makaron ro Kalibo hay may daywang aktibong kaso eon lang  nga makabig nga naging epektibo ro bakuna kontra sa deadly virus.