KALIBO, Aklan—Ginpabugae ni Kalibo Mayor Emerson Lachica nga maeapit eon lang mapasa-alima it lokal nga gobyerno ro anang ginpangayo nga sangka unit it ambulansya sa Philippine Charity Sweepstakes Office (PCSO).

Suno sa alkalde, nagpadaea imaw it sueat sa pamunuan it PCSO para makapangayo it dugang nga behikulo nga pagagamiton sa pagresponde sa tyempo it emerhensiya.

Nagtao eon man sigon it pagpasiguro ro taeatapan kung siin ginpangayuan eon imaw it authority para sa deed of donation.

Magahueat eon lang sigon sanda it go signal halin sa PCSO kung hin-uno igapadaea ro behikulo matapos nandang masumite ro mga ginakinahang-ean nga dokumento.

Nagaeaum si Mayor Lachica nga maiturn over eon raya antes matapos ro dag-on para magamit sa tyempo it kapaskwahan.

-- ADVERTISEMENT --

Nasayuran nga naging baldado ro mga ambulansya it banwa bangud sa pagiging masako sa pagresponde sa kasagsagan it pandemya.

Samtang, nagapadayun pa sigon ro andang negosasyon para sa sambilog pang ambulansya nga igatao sa LGU apang nagpamalibad anay imaw nga pangaeanan raya.

Boses ni Kalibo Mayor Emerson Lachica