KALIBO, Aklan—Ginasapinal eon it lokal nga gobyerno it Kalibo  ro mga plano sa pagbakae it bakuna  para sa covid-19.

Suno kay Municipal Treasurer Rey Villaruel nga nakipag-angot eon sanda kay Iloilo city mayor Gerry Treñas para sa pagbakae it vaccine.

-- Advertising --

Nasayuran nga sa ginbilog nga adhoc committee ni Kalibo mayor Emerson Lachica,  gintaeana kara si villaruel nga magpanguna sa pagbakae it bakuna sa aprubadong pharmaceutical  company it  gobyerno.

Mag-eowas kara,  ginaplanuhan eon man nanda ro pagpatigayon it  mass vaccination ag kon sin-o ro mga recipient kara.

Gin-rekomenda sigon it Municipal Inter-Agency Task Force nga makaangkon it  50 million pesos para sa unang wave it libreng  bakuna.

Ag sa makaron hay may  una eon nga 10 milyon pesos nga alokasyon,  apang magakinahangean sigon  it kapin  sa 215 milyon pesos agud nga maturukan ro tanan nga  residente it Kalibo.

Target it gintaeana nga pondo ro 10%  it  populasyon, healthcare workers, frontliners, senior citizens ag mga  residente sa mga  nagadueueukot nga baeay.

Posible suno kana nga ro brand nga  AstraZeneca ro pagabak-eon nga bakuna  apang raya tanan hay gina-istoryahan pa.

Magatukod man ro LGU kalibo it cold storage facility para sa bakuna  sa Kalibo evacuation center compound sa Barangay Tigayon.

Boses ni Municipal Treasurer Rey Villaruel it LGU-Kalibo