KALIBO, Aklan—Ro sakit nga leprosy ukon “aro” hay sangka bacterial nga daea it Mycobacterium leprae.

Ro leprosy hay sangka sakit  sa  panit nga pwedeng magtapon pamaagi sa pag-ubo, paghatsing ag pagpila sa bukon it tama nga lugar.

-- Advertising --

Suno kay Arlyn Tolentino CastaÑo, provincial leprosy coordinator  it Provincial Health Office ukon PHO-Aklan nga may ap-at nga klase ro nasambitan nga sakit.

Una kara ro Tuberculoid: sambilog ukon maabong demarcated, hypopigmented, ag anesthetic  ukon owa it nababatyagan.

Lepromatous: sangka klase it  mga reddened bumps nga  pwedeng makit-an sa  itsura, mga alima ag siki nga  may mga nina.

Borderline (dimorphous): nga pwedeng makit-an ro  parehong tuberculoid ag lepromatous form.

Samtang ro  mga tawong may sakit nga Hansen ukon leprosy hay indi makabatyag it sakit  sa parte it kaeawasan nga may unang nina.

Posible nga maga-abot sa siyam nga buean ukon  30 anyos antes nga makitaan raya it sintomas.

Apang  umpisa nga raya hay matapnan eun pwedi man nga makatapon pa sa iba ro sangka pasyente  mag-euwas eamang kung makainom eun it bueong para kara.

Samtang, agud nga malikalikaw sa nasambitan nga sakit gina-engganyo it PHO-Aklan ro publiko nga magpakonsulta it mas timprano sa mga meapit nga Rural Health Unit  sa andang lugar.

Nasayuran nga ro bueong para sa leprosy hay libreng ginatao sa publiko kaibahan ro check-up.

Boses ni Arlyn Tolentino Castano it PHO-Aklan