KALIBO, Aklan—Nakalista eamang ro Aklan Provincial Epidemiological and Surveillance Unit it daywang porsyento nga positivity rate halin sa 82 nga mga swab samples nga gin-test ko Oktobre 16 kung siin 80 ro nagnegatibo ag daywa eamang ro nagpositibo.

Sa kabilugan, naga-abot eon sa 12,602 ro mga tinamaan it COVID-19 sa Aklan umpisa nga magtuhaw ro pandemya.

Sa pihak kara, nakalista man it an-om nga bag-ong nagmayad rason nga sumaka eon sa 12,214 ro total recoveries.

Samtang, nagapabilin man sa 319 ro binawian it kabuhi matapos dapuan it deadly virus.

Sa makaron, 69 pa ro nabilin nga aktibong kaso it sakit nga ginakaeakipan it 54 nga naka-facility quarantine, 14 nga naka-home quarantine ag sambilog nga admitted sa ospital.

-- ADVERTISEMENT --

Ro nasambit nga mga datus hay nagapakita eamang it padayun nga pagnaba it COVID-19 infection sa bilog nga probinsya.