KALIBO, Aklan—Kapin sa 77 eon lang ro aktibong kaso it covid-19 sa bilog nga probinsya it Aklan.

Raya hay matapos nga sigidas ro pagnaba it mga nagapositibo ukon positivity rate it deadly virus infection sa probinsya.

Angot kara, napueo eon lang ro nailistang nagpositibo sa nasambit nga sakit halin sa 45 nga swab samples nga gintest sa laboratoryo it provincial hospital.

-- Advertsement --

Sandig sa pinakaulihing datos nga ginpaguwa it Aklan Provincial Epidemiology Surveillance Unit it Provincial Health Office, ap-at ro maghalin sa banwa it Malay; tatlo sa Batan ag tig-sambilog sa municipality it Altavas, Kalibo ag New Washington.

Nagaabot sa kabilugang 12,579 ro kaso it covid-19 sa Aklan halin kat nag-eopok ro pandemya ko Disyembre 2019 apang sa nasambit nga numero hay 97 porsyento eon ro mga nakarekober matapos nga nagpaidaeom sa pagbueong ag quarantine procedure.