KALIBO, Aklan—Kapin sa 58 eon lang ro aktibong kaso it covid-19 sa bilog nga probinsya it Aklan.

Sandig sa pinakaulihing datos nga ginpaguwa it Aklan Provincial Epidemiology Surveillance Unit it Provincial Health Office, 46 kara ro presenteng una sa facility quarantine nga ginakaeakipan it 15 maghalin sa banwa it Kalibo; siyam sa Banga; tig ap-at sa Malay ag Batan; 15 sa Tangalan; daywa sa Altavas ag tig-sambilog maghalin sa munisipalidad it Lezo, Balete, Numancia ag New Washington.

Samtang, napueo ro naka-home quarantine nga ginakaeakipan it daywa sa Batan, tig-ap-at sa Madalag ag Banga kamana man daywa ro padayon pang naka-admit sa hospital nga maghalin sa banwa it Madalag ag Ibajay.

-- ADVERTISEMENT --

Sa kabilugan, may 12,614 nga kaso it deadly virus ro may una sa bilog nga Aklan apang 12,237 eon man kara ro nakarekober matapos nga nagpaidaeom sa pagbueong ag quarantine procedure.

Samtang, nagapabilin sa 319 ro mga binawian it hueam nga kinabuhi bangud sa nasambit nga pandemya.