KALIBO, Aklan—Naga-abot  sa 3,000  nga mga indigent families and individual members halin sa nagkaeain-eain nga Tricycle Operators and Drivers Association ukon  TODA sa banwa it  Kalibo  ro nakabaton it bulig pinansiyal  halin sa Assistance to Individuals in Crisis Situation ukon AICS program it Department of Social Welfare and Development ukon  DSWD.

Bangud sa kaabuon it natumod nga benepisyaryo hay  nagtaeana it daywang venue partukular sa kalibo pilot elementary school ag Barangay Covered Court it Andagao sa pagpanupod it cash assistance  nga 3,000 pesos.

Suno kay Melardo Sanchez, residente it barangay Andagao ag  sambilog sa mga  tricycle driver nga  nakabaton it  ayuda nga  nataw-an gid man  it katuman ro andang ginahandum nga bulig bangud nga sambilog sigon sanda  sa mga eubus nga naapektuhang sektor bangud sa COVID-19 pandemic.

Nasayuran nga nauna eon nga   nagpangayo it  bulig ro lokal nga gobyerno it kalibo pinaagi kay Sangguniang Bayan member Matt Aaron Guzman  bilang Chairman it Committee on Transportation sa nasambit nga ahensiya  sa pagpati  nga ro  nasambit nga kantidad hay mabahoe nga bulig sa padayon nga naexperiensiyahan nga  epekto it pandemya.

Boses ni Melardo Sanchez

Samtang, pabor man imaw nga dugangan it sambilog ro pwedeng maisakay nga pasahero sa mga tricycle basta nga ipabilin sa  15 pesos ro pamasahe.

-- ADVERTISEMENT --
Boses ni Melardo Sanchez