KALIBO, Aklan—Haeos 29 eon lang ro nabilin sa aktibong kaso it covid-19 nga ginamonitor it Aklan Provincial Health Office ukon PHO sa bilog nga probinsya it Aklan.

Raya hay ginakaeakipan it 18 nga presenteng una sa facility quarantine; napueo nga naka-home quarantine ag sambilog ro nagapabilin nga admitted.

Sandig dugang sa datos nga ginpaguwa it Aklan Provincial Epidemiology Surveillance Unit it Provincial Health Office, 12,626 ro kabilugang kaso it deadly virus ro nailista sa bilog nga probinsya.

-- ADVERTISEMENT --

Apang, 12,277 ukon 97 porsyento eon man kara ro mga naka-rekober matapos nga nagpaidaeom sa pagbueong ag quarantine procedure.

Samtang, nagapabilin sa 320 ro mga binawian it hueam nga kinabuhi bangud sa nasambit nga pandemya.