KALIBO, Aklan—Nag-abot  sa 22 ro numero it mga pulis sa bilog nga western visayas ro nagapangatubang sa nagkaeain-eain nga kaso.

Suno kay PLTCOL Joem Malong, tagapaghambae it PRO-6 nga sa nasambit nga numero  18 kara ro natigayon eon nga maresolba.

-- Advertising --

Ro sambilog sigon kara hay police commission officer samtang ro 17 hay non-commissioned police officers.

Ap-at sa mga raya ro natigayon eon nga ma dismiss sa serbisyo kun sa siin ro sambilog hay nagpositibo sa paggamit it illegal drugs nga halin  sa negros occidental.

Ro tatlo hay ginkasuhan it grave misconduct nga puro personnel it regional personnel holding administrative unit bangud sa pag absent sa duty sa sueod it  30 diyas  ukon mga nag awol.

May 6 man nga tawuhan ro suspendido bangud sa nagkaeain-eain nga kaso nga kon sa siin sambilog ro gin forfeit ro anang sweldo.

Ginklaru ni Malong nga ro mga kaso hay puro ginpasaka pa eamamg sa regional investigation and detective management division ag regional internal affairs service ag  bukon pa it kaibahan ro ginpasaka sa napolcom.

Kada buean man suno kana hay nagapaidaeum  sa drug tests ro haeos 2,500 nga personnel eabi eon ro mga tawuhan it drug enforcement unit bangud nga nagabuyot sanda it mga drug cases agud nga mamonitor ro andang records.

Raya hay ginapangunahan it Regional Crime Laboratory Office ag gina supervised it  Regional Investigation and Detective Management Division.

Ro nasambit nga tikang sunon kana hay kaparte it nagapadayon nga  internal cleansing campaign it PNP.

Ro sin-o man nga mapamatud-an nga nagagamit it iligal nga droga hay pagakasuhan it grave misconduct ag posibleng magapangatubang sa dismissal  halin sa serbisyo.

Boses ni PLTCOL Joem Malong