KALIBO, Aklan—Kapin sa 218 ka mga kapulisan sa bilog nga probinsya it Aklan ro nakaangkon it 1 rank higher matapos ro ginpatigayun nga seremonya kahapon sa Aklan Provincial Police Office (APPO).

Raya hay bilang pagkilaea sa mga manami nga hinimuan it pulisya ag pagtao it pagpasidungog sa andang tampad nga pagtao it serbisyo sa publiko.

-- Advertising --

Ginpahayag ni Police Colonel Esmeraldo Osia Jr., Provincial Director it APPO nga kadungan it pagbaton it promotion it mga pulis hay ro pagbaton man it mga raya sa dugang nga responsibilidad.

Sa pihak kara, bangud sa nagapadayun nga paeag it COVID-19 owa anay ginpasugtan nga makasueod para  personal nga maka-attender sa seremonya ro pamilya it mga natungdan nga uniformed personnel agud makalikaw sa pagkalhit it virus.

Nagaeaum man ro provincial director nga mas pang maging pursigido ro mga otoridad ag mas pang pabaskugon ro andang pagbantay agud maangkon ro katawhayan sa kumunidad.

Boses ni Police Colonel Esmeraldo Osia Jr., Provincial Director it APPO