KALIBO, Aklan—Naga-abot sa 2,678 nga mga pulis sa bilog nga Western Visayas ro magabantay sa pag-abot it bakuna kontra sa COVID-19.

Ginpahayag ni  Lt. Col. Joem Malong, tagapaghambae it Police Regional Office ukon PRO 6 nga may una nga 256 nga kapulisan ro halin  sa Aklan nga  igataeana  agud nga mag-escort  sa mga maga-abot nga bakuna halin  sa pick-up points  hasta sa pag distribute kara sa mga vaccination centers sa nagkaeain-eain nga siyudad  ag  banwa it kada probinsiya sa rehisyon sais.

-- Advertising --

Ko buean pa suno kana it Enero hay planchado eon ro andang mga plano  ag nagahueat eon lang it nagakaigo nga koordinasyon  ag dugang nga  special request halin  sa department of health.

Mag-eowas kara, kapin sa 907 nga mga pulis ro iga-assign sa mga vaccination centers, 756 ro magabantay sa pag-transport it bakuna, 386 ro reserve force ag 629 ro kaparte it Quick Reaction Teams.

Gindugang pa ni Malong nga magiging kabulig it PNP ro Philippine Army sa pag-biyahe it mga bakuna partikular ro paagto  sa mga  maeayo nga lugar.

Naka-alerto man sigon sanda sa posibleng pagsabote it mga katapo it communist party of the Philippines New People’s Army ukon CPP-NPA sa rehiyon sa nasambit nga aktibidad.

Sa pihak nga parte, mag-eowas sa pagtutuk sa vaccination rollout, ginpasiguro man ni malong nga magapadayun ro andang kampanya kontra sa anuman nga kriminalidad nga magatuhaw.

Samtang, natumod eon man it PRO-6 ro mga pulis nga pagataw-an it prayoridad sa pagaturukan it covid vaccine  kun  sa siin kaibahan kara ro andang mga frontliners nga nagabantay  sa quarantine facilities,  checkpoints ag iba pa kamana man ro mga naga-angkon it comorbidities ag mga personnel sa mga Regional ag Provincial Offices.

Boses ni Lt. Col. Joem Malong