KALIBO, Aklan—Suportado ni Kalibo Mayor Emerson Lachica ro kandidatura it anang magueang ag dating Kalibo Mayor nga si William Lachica nga nagapapili bilang gobernador sa probinsya it Aklan sa nagahieapit  nga 2022 national election.

Suno kay  Kalibo Mayor Emerson Lachica nga sa makarun hay sigidas eun ro kampanya it anang igmanghod ag nakipagpueong eun man raya sa anang mga leaders sa kada banwa agud maistoryahan ro mga plano sa nagahieapit nga eleksyon.

-- Advertising --

Pagkatapos sigon nga nakipag-istorya kana ro dating Mayor  nga gusto karang magpapili it uman bilang gobernador hay ginpaabot  man nana ro anang pag-suporta.

Madumduman nga una eun nga nag-eupok ro balita nga magabuylog ro pwersa ni Aklan Governor Florencio Miraflores ag ni Congressman Carlito Marquez sa paeaabuton nga eleksyon.

Maskin nga dismayado si dating mayor William Lachica sa naging desisyon it daywa hay desidido rayang magpadaeagan sa nasambitan nga posisyon.

Boses ni Kalibo Mayor Emerson Lachica