TOKYO –  Naging viral ro video it siyam nga ka Israeli Olympians nga naga-einumpat sa ginakabig nga anti-sex nga kama sa athletes’ village hasta nga eubusan nga nasamad.

Base sa report,  gusto nga matestingan it mga atleta ro katibay it gin-recycle nga karton  nga gin-obrang kama.

-- Advertising --

Ginasugid nga ro video nga gin-upload ni Ben Wanger, sangka U.S.-born baseball player sa Israeli Olympic team sa anang his TikTok ag Twitter accounts hay  natigayon eon nga ma-delete.

Sa nasambit nga video,  sangka eaeaki anay ro nag-eumpat, hasta nga naging daywa ag nakisadya ro iba pa nga umabot sa siyam nga atleta ro dueueungan nga nag-einumpat sa kama  hasta nga raya hay eubusan nga nasamad.

Ginpasiguro it Manufacturer Airweave nga masarangan it cardboard beds ro hasta sa 200 kilo, nga eampas pa sa bug-at it daywang katawo.

Ro video hay nagtuga it kaakig  halin sa mga netizens sa Japan.  Gin-delete ro video  base man sa hinyu it Israeli Olympic Committee.

Nauna kara, ginpabugae it Japan nga  maskin nga himo  sa cardboard ro andang kama nga ginapagamit sa mga atleta sa 2020 Tokyo Olympics hay matibay man ag makasarang maskin pa nga mag-sex kara.

Reaksyon raya it  Japan matapos magpahayag it concerns si Australian basketball player Andrew Bogut nga basi maguba eagi ro kama bangud nga nasayuran man sigon it tanan nga pagkatapos it  kompetisyon hay nagiging “pilyo” sanda nga mga atleta.

“Great gesture … until the athletes finish their said events and the 1000’s of condoms handed out all over the village are put to use,” suno kay Bogut.

Pagka-aga kara,  ginpamalibaran it  Irish gymnast nga si  Rhys McClenaghan ro isyu matapos nga magpaguwa it video sa anang Twitter nga naga-eumpat sa kama.

Mag-eowas sa  eco-friendly nga kama, himo man sa recycled phone ro gina-award nga mga medalya sa Tokyo Olympics.