KALIBO, Aklan—Gintaw-an it pagkilaea bilang Top Performing Police Station it Aklan Police Provincial Office ukon APPO ro Kalibo Municipal Police Station sa pagpanguna ni P/Major Belshazzar Villanoche.

Ginpatigayon ro seremonya sa headquarters it Camp Pastor C. Martelino sa Brgy. New Buswang, Kalibo kadungan it flag-raising ceremony ko Lunes, Enero 18, 2021.

-- Advertising --

Ginpangunahan ni Aklan Police Provincial Director P/Col.  Esmeraldo Osia, Jr. ro awarding ceremony.

Nakabaton man it kaparehong award ro Malay ag Numancia Municipal Police Stations.


Suno kay Major Villanoche nga ginadayaw nana ro kahugod ag dedikasyon it anang mga kapulisan eabi eon sa andang mga accomplishment sa anti-criminality operation nga nakatutuk sa illegal nga droga, gambling, unlicensed firearms,  pag-aresto sa mga wanted persons  ag iba pang ilegalidad.

Kabulig man sigon sanda sa road clearing operations it DILG ag LGU nga makaron hay nakatutuk sa mga barangay roads.

Boses ni Police Major Belshazzar Villanoche