KALIBO, Aklan—Mas pang ginpabaskog it Kalibo Municipal Police Station ro andang pagbantay sa mga border checkpoints agud masigurong nagasunod ro tanan sa minimum health protocols.

Suno kay Police Lieutenant Colonel Belshazzar Villanoche, hepe it Kalibo PNP nga nagdugang eon sanda it mga police personnel agud makaangkon it dugang nga pwersa sa pagbantay ag pagtao it seguridad.

-- Advertising --

Mag-eowas kara, may mga gin-deploy man sigon sanda sa mga pampublikong lugar partikular sa Kalibo Public Market ag mga establisyemento komersyal.

Samtang, ginapangayo man it opisyal ro kooperasyon it kada barangay sa Kalibo nga taw-an sanda it listahan it mga indibidwal nga gin-isyuhan it quarantine pass agud madali nga matumod kun raya hay essential workers ukon traveler.

Ginmanduan man kara ro mga opisyal it barangay nga striktuhan ro pagbantay sa mga barangay checkpoints kamana man nga sitahon ro mga owa it travel ag quarantine pass.

Aminado man si Villanoche nga indi masarangan it pulisya ro pagbantay rason nga ginakinahang-ean nanda ro bulig it mga kabarangayan.

Sa nagtaliwan sigon nga ap-at adlaw matapos nga ipatuman it Modified Enhanced Community Quarantine (MECQ) sa Aklan, maabo eon nga mga indibidwal ro andang nadakpan nga owa it suksok nga face mask, face shield ag nag-eabag sa curfew.

Boses ni PLTCOL. Belshazzar Villanoche