KALIBO, Aklan–Ginkalipay it Kalibo Municipal Police Station ro pagdayaw ni  PNP Chief General Guillermo Eleazar sa kalimpyo it andang estasyon it pulisya sa anang ginpatigayon nga inspeksyon ko nagtaliwan nga adlaw it Biyernes.

Suno kay P/Major Jason Belceña, Acting Chief of Police  it Kalibo PNP nga maskin nga sangka historical landmark  ag bukon  it naka-design  nga standard nga  police station,  apang napabilin kara ro kalimpyo ag kaayusan.

Umpisa nga magpungko bilang hepe it PNP, ginpabaskog  kara ro  Intensified Cleanliness Policy  agud nga mabutang sa ayos ro pilang problema kapareho it  mahigku nga palibot  sa estasyon.

Sa pihak nga parte, ginkumpirma ni Major Belceña nga may eugta eon nga pagapatindugan it bag-ong building it  kalibo PNP umpisa ko  2010,  apang ginaproseso pa ro pagpapatitulo it eugta nga nahamtang sa kaiping it  taeatapan it  Bureau of fire Protection  ukon BFP-Kalibo.

Ginaeauman suno kana nga sa masunod nga dag-on hay maumpisahan eon ro [konstruksyon kara.

-- Advertsement --
Boses ni P/Major Jason Belceña

Sa pihak nga parte, nagaeaum si Belceña nga maga-dere-deretso  hasta sa adlaw it eleksyon  ro kaayusan  ag kalinong sa bag-o eamang natapos nga pagdihon it certificates of candidacy (COC) sa bilog nga banwa it Kalibo.

Umpisa suno kana sa unang adlaw  hasta sa pagtapos it  filing it COC ko biyernes hay owa it natabu nga  untoward incidents ag nasunod ro health and safety protocols.

Boses ni P/Major Jason Belceña