KALIBO, Aklan—Nagapati si Kalibo Sangguniang Bayan member Matt Aaron Guzman nga kinahang-ean it banwa nga maghimo it urban planning para malikawan ro mga pagbaha eabi eon kun tyempo it tag-uean.

Dapat sigon nga maging preparado ro banwa sa mga kalamidad ag sambilog eon kara ro pag-angkon it nagakaigo nga drainage system.

Suno kana, nakataeana nga magpatawag it committee meeting ro Chairman on Infrastructure para maistoryahan ro pagahimuon nga plano.

Makaibahan sigon nanda sa nasambit nga pueong ro mga miyembro it Department of Public Works and Highways (DPWH), Provincial Engineering Office (PEO) ag Municipal Engineering Office para makaangkon it nagakaigo nga koordinasyon ro kada isaea sa pagbaeay it master plan para sa pagahimuon nga drainage system.

Boses ni Kalibo SB member Matt Aaron Guzman