KALIBO, Aklan—Sa pihak it nagkaeain eain nga problemang ginapangatubang it nasyon, ro mga pinoy hay may  nagkaeain eain nga estilo agud makabangon.

-- Advertising --

Apang kakaiba ro  gimik  nga ginahimo it sangka Aklanon  kasunod it pagdumdom sa piyesta minatay ukon Undas kung sa siin maabong pinagbag-o sa  nakaangdan nga selebrasyon bangud sa ginapangatubang nga pandemya it nasyon.

Ginakaaliwan makarun sa social media ro ginhimo ni Istanislao Alejado sa mausoleom it anang ina nga nahamtang sa Badio Cemetery.

Suno kay Alejado nga ap-at nga dag-on eun nana rayang ginahimo sa mausoleom it anang ina agud maipakita ro anang pagpalangga kara.

Naging inspirasyon na man sa paghimo it mga desinyo  ro perming pagdayaw it anang ina sa anang panimaeay kat raya hay buhi pa.

Haeos adlaw adlaw sigon nga ginahambae kara nga manami ro anang mga hinimuan.

Agud nga mapasadya maskin idto eun sa pihak nga kinabuhi, anang nakaugalingan nga maghimo it  paiba-iba nga desinyo sa mausoleo it anang  ina sa  kada adlaw it piyesta minatay sa pagpati nga maging masadya raya.

Nagagastos  man imaw it kapin sa P10, 000  hasta it P18,000 kada dag-on para sa paghimo it  mga desinyo.