KALIBO, Aklan—Nagpatuman it mas striktong pagsinoeundan ro  gobyerno it Israel kasunod it pagsueod it panibag-ong Omicron variant it coronavirus disease.

Suno kay Bombo International Correspondent Melly Jean Novilla it Israel  nga sa makarun hay hugot eun nga ginabawaean it andang gobyerno ro pagpasueod pa it mga turista.

Samtang ro mga residente man nga magabalik  sa nasambit nga nasyon hay kinahangean nga magpaidaeum anay sa tatlong adlaw nga quarantine period  ag dapat man nga magnegatibo sa covid-19 test.

Ginpahayag man ni Novilla nga kaabuan eun sa mga residente it Israel hay nabakunahan kontra covid-19. Bangud kara hay nabatyagan man sigon nanda ro amat-amat nga pagbalik sa normal it andang sitwasyon.

Boses ni Bombo Int’l. Correspondent Melly Jean Novilla

Sa pihak na parte, gindugang pa ni Novilla nga sa makarun hay preparado eun ro mga kandidata it nagkaeain eain nga nasyon para sa pagahiwaton nga  Miss Universe 2021 sa Disyembre 12.

-- ADVERTISEMENT --

Dugang pa kara nga agud nga maka-atender sa nasambitan nga beauty pageant hay dapat nga magpakita it andang card nga fully vaccinated eun raya kontra covid-19 ag negatibong resulta it swab test.

Boses ni Bombo Int’l. Correspondent Melly Jean Novilla