KALIBO, Aklan—Uman nga gindagsa it mga pumueoyo ro ikaywang adlaw it pagpahayag it higanteng Christmas tree ag iba pang dekorasyon sa Kalibo Pastrana Park nga ginatawag nga “Iwag it Kalibonhon”.

Raya hay sangka dag-unan nga aktibidad it lokal nga gobyerno ag masami nga ginapatigayun kada unang adlaw it buean it Disyembre.

Sa pihak it magae-umon nga tyempo ag pagbubu it uean, owa man nagpa-awat ro publiko para personal nga masaksihan ro uman nga paghayag it public plaza.

-- ADVERTISEMENT --

Kaeabanan sa mga nagpamasyar hay mga magpamilya ag magkabarkada ag bangud sa kaabuon it mga tawo sa palibot it Pastrana Park owa eon nasunod ro physical distancing.

Ro ginpatigayun nga aktibidad kabi-i hay haeos kaapareho man sa ginhimo ko Nobyembre 30.

Tuyo kara nga mapabilin ro espiritu it paskwa sa tunga it pakikipagsukoe it kalibutan sa pandemya.